.
7 маусым күні Өскеменнің «Units, no time is left» тобы Коменданткадағы скверде жеке open-air концертін өткізді. «Дала дауысы» концерті креативті индустрияны дамытуға қолдау көрсету аясында ұйымдастырылды.
Музыканттар бағдарламаны екі бөлімге бөлді. Камералық акустикалық сет толыққанды электрлі дыбыспен жалғасты. Топ стримингтік платформаларда жарияланған әндерін орындап, сондай-ақ жаңа аранжировкадағы әлі жарық көрмеген композицияларын таныстырды.
Концерт көрермендерге арналған викторинамен және «Ашық микрофон» блогымен толықтырылды. Бұл алаңда Өскемен қаласы мен облыстың жас орындаушылары мен креаторларына өз өнерлерін көрсету мүмкіндігі берілді.
